葡國雞相信大家都食過，不過原來葡國雞並唔係葡國菜嚟，喺葡萄牙係唔會搵到「正宗」嘅葡國雞。

嚴格嚟講，葡國雞係屬於澳門葡國菜。眾所周知，澳門以前係葡萄牙殖民地，以前葡萄牙人來往澳門嘅時候會經過唔少地方，於是就會將唔同嘅食材（尤其是香料）、唔同嘅煮食文化帶到澳門。後嚟啲澳門當地廚師就以咖哩、椰汁、黃薑粉等等泡製呢種「不中不西」嘅菜式話，仲叫佢做葡國雞。之不過，煮葡國雞用上嘅香料响歐洲非常昂貴，所以唔係正宗葡國菜用到嘅食材，呢點更說明咗葡國雞只係澳門葡國菜。